ಓಂ ನಮೋ ನಾರಾಯಣಾಯ ಅಷ್ಟಾಕ್ಷರಮಾಹಾತ್ಮ್ಯಂ – Om Namo Narayanaya Ashtakshara Mahatmyam in Kannada

ಓಂ ನಮೋ ನಾರಾಯಣಾಯ ಅಷ್ಟಾಕ್ಷರಮಾಹಾತ್ಮ್ಯಂ

ಶ್ರೀಶುಕ ಉವಾಚ --
ಕಿಂ ಜಪನ್ ಮುಚ್ಯತೇ ತಾತ ಸತತಂ ವಿಷ್ಣುತತ್ಪರಃ .
ಸಂಸಾರದುಃಖಾತ್ ಸರ್ವೇಷಾಂ ಹಿತಾಯ ವದ ಮೇ ಪಿತಃ .. ೧..

ವ್ಯಾಸ ಉವಾಚ --
ಅಷ್ಟಾಕ್ಷರಂ ಪ್ರವಕ್ಷ್ಯಾಮಿ ಮಂತ್ರಾಣಾಂ ಮಂತ್ರಮುತ್ತಮಂ .
ಯಂ ಜಪನ್ ಮುಚ್ಯತೇ ಮರ್ತ್ಯೋ ಜನ್ಮಸಂಸಾರಬಂಧನಾತ್ .. ೨..

ಹೃತ್ಪುಂಡರೀಕಮಧ್ಯಸ್ಥಂ ಶಂಖಚಕ್ರಗದಾಧರಂ .
ಏಕಾಗ್ರಮನಸಾ ಧ್ಯಾತ್ವಾ ವಿಷ್ಣುಂ ಕುರ್ಯಾಜ್ಜಪಂ ದ್ವಿಜಃ .. ೩..

ಏಕಾಂತೇ ನಿರ್ಜನಸ್ಥಾನೇ ವಿಷ್ಣವಗ್ರೇ ವಾ ಜಲಾಂತಿಕೇ .
ಜಪೇದಷ್ಟಾಕ್ಷರಂ ಮಂತ್ರಂ ಚಿತ್ತೇ ವಿಷ್ಣುಂ ನಿಧಾಯ ವೈ .. ೪..

ಅಷ್ಟಾಕ್ಷರಸ್ಯ ಮಂತ್ರಸ್ಯ ಋಷಿರ್ನಾರಾಯಣಃ ಸ್ವಯಂ .
ಛಂದಶ್ಚ ದೈವೀ ಗಾಯತ್ರೀ ಪರಮಾತ್ಮಾ ಚ ದೇವತಾ .. ೫..

ಶುಕ್ಲವರ್ಣಂ ಚ ಓಂಕಾರಂ ನಕಾರಂ ರಕ್ತಮುಚ್ಯತೇ .
ಮೋಕಾರಂ ವರ್ಣತಃ ಕೃಷ್ಣಂ ನಾಕಾರಂ ರಕ್ತಮುಚ್ಯತೇ .. ೬..

ರಾಕಾರಂ ಕುಂಕುಮಾಭಂ ತು ಯಕಾರಂ ಪೀತಮುಚ್ಯತೇ .
ಣಾಕಾರಮಂಜನಾಭಂ ತು ಯಕಾರಂ ಬಹುವರ್ಣಕಂ .. ೭..

ಓಂ ನಮೋ ನಾರಾಯಣಾಯೇತಿ ಮಂತ್ರಃ ಸರ್ವಾರ್ಥಸಾಧಕಃ .
ಭಕ್ತಾನಾಂ ಜಪತಾಂ ತಾತ ಸ್ವರ್ಗಮೋಕ್ಷಫಲಪ್ರದಃ .
ವೇದಾನಾಂ ಪ್ರಣವೇನೈಷ ಸಿದ್ಧೋ ಮಂತ್ರಃ ಸನಾತನಃ .. ೮..

ಸರ್ವಪಾಪಹರಃ ಶ್ರೀಮಾನ್ ಸರ್ವಮಂತ್ರೇಷು ಚೋತ್ತಮಃ .
ಏನಮಷ್ಟಾಕ್ಷರಂ ಮಂತ್ರಂ ಜಪನ್ನಾರಾಯಣಂ ಸ್ಮರೇತ್ .. ೯..

ಸಂಧ್ಯಾವಸಾನೇ ಸತತಂ ಸರ್ವಪಾಪೈಃ ಪ್ರಮುಚ್ಯತೇ .
ಏಷ ಏವ ಪರೋ ಮಂತ್ರ ಏಷ ಏವ ಪರಂ ತಪಃ .. ೧೦..

ಏಷ ಏವ ಪರೋ ಮೋಕ್ಷ ಏಷ ಸ್ವರ್ಗ ಉದಾಹೃತಃ .
ಸರ್ವವೇದರಹಸ್ಯೇಭ್ಯಃ ಸಾರ ಏಷ ಸಮುದ್ಧೄತಃ .. ೧೧..

ವಿಷ್ಣುನಾ ವೈಷ್ಣವಾನಾಂ ಹಿ ಹಿತಾಯ ಮನುಜಾಂ ಪುರಾ .
ಏವಂ ಜ್ಞಾತ್ವಾ ತತೋ ವಿಪ್ರೋ ಹ್ಯಷ್ಟಾಕ್ಷರಮಿಮಂ ಸ್ಮರೇತ್ .. ೧೨..

ಸ್ನಾತ್ವಾ ಶುಚಿಃ ಶುಚೌ ದೇಶೇ ಜಪೇತ್ ಪಾಪವಿಶುದ್ಧಯೇ .
ಜಪೇ ದಾನೇ ಚ ಹೋಮೇ ಚ ಗಮನೇ ಧ್ಯಾನಪರ್ವಸು .. ೧೩..

ಜಪೇನ್ನಾರಾಯಣಂ ಮಂತ್ರಂ ಕರ್ಮಪೂರ್ವೇ ಪರೇ ತಥಾ .
ಜಪೇತ್ಸಹಸ್ರಂ ನಿಯುತಂ ಶುಚಿರ್ಭೂತ್ವಾ ಸಮಾಹಿತಃ .. ೧೪..

ಮಾಸಿ ಮಾಸಿ ತು ದ್ವಾದಶ್ಯಾಂ ವಿಷ್ಣುಭಕ್ತೋ ದ್ವಿಜೋತ್ತಮಃ .
ಸ್ನಾತ್ವಾ ಶುಚಿರ್ಜಪೇದ್ಯಸ್ತು ನಮೋ ನಾರಾಯಣಂ ಶತಂ .. ೧೫..

ಸ ಗಚ್ಛೇತ್ ಪರಮಂ ದೇವಂ ನಾರಾಯಣಮನಾಮಯಂ .
ಗಂಧಪುಷ್ಪಾದಿಭಿರ್ವಿಷ್ಣುಮನೇನಾರಾಧ್ಯ ಯೋ ಜಪೇತ್ .. ೧೬..

ಮಹಾಪಾತಕಯುಕ್ತೋಽಪಿ ಮುಚ್ಯತೇ ನಾತ್ರ ಸಂಶಯಃ .
ಹೃದಿ ಕೃತ್ವಾ ಹರಿಂ ದೇವಂ ಮಂತ್ರಮೇನಂ ತು ಯೋ ಜಪೇತ್ .. ೧೭..

ಸರ್ವಪಾಪವಿಶುದ್ಧಾತ್ಮಾ ಸ ಗಚ್ಛೇತ್ ಪರಮಾಂ ಗತಿಂ .
ಪ್ರಥಮೇನ ತು ಲಕ್ಷೇಣ ಆತ್ಮಶುದ್ಧಿರ್ಭವಿಷ್ಯತಿ .. ೧೮..

ದ್ವಿತೀಯೇನ ತು ಲಕ್ಷೇಣ ಮನುಸಿದ್ಧಿಮವಾಪ್ನುಯಾತ್ .
ತೃತೀಯೇನ ತು ಲಕ್ಷೇಣ ಸ್ವರ್ಗಲೋಕಮವಾಪ್ನುಯಾತ್ .. ೧೯..

ಚತುರ್ಥೇನ ತು ಲಕ್ಷೇಣ ಹರೇಃ ಸಾಮೀಪ್ಯಮಾಪ್ನುಯಾತ್ .
ಪಂಚಮೇನ ತು ಲಕ್ಷೇಣ ನಿರ್ಮಲಂ ಜ್ಞಾನಮಾಪ್ನುಯಾತ್ .. ೨೦..

ತಥಾ ಷಷ್ಠೇನ ಲಕ್ಷೇಣ ಭವೇದ್ವಿಷ್ಣೌ ಸ್ಥಿರಾ ಮತಿಃ .
ಸಪ್ತಮೇನ ತು ಲಕ್ಷೇಣ ಸ್ವರೂಪಂ ಪ್ರತಿಪದ್ಯತೇ .. ೨೧..

ಅಷ್ಟಮೇನ ತು ಲಕ್ಷೇಣ ನಿರ್ವಾಣಮಧಿಗಚ್ಛತಿ .
ಸ್ವಸ್ವಧರ್ಮಸಮಾಯುಕ್ತೋ ಜಪಂ ಕುರ್ಯಾದ್ ದ್ವಿಜೋತ್ತಮಃ .. ೨೨..

ಏತತ್ ಸಿದ್ಧಿಕರಂ ಮಂತ್ರಮಷ್ಟಾಕ್ಷರಮತಂದ್ರಿತಃ .
ದುಃಸ್ವಪ್ನಾಸುರಪೈಶಾಚಾ ಉರಗಾ ಬ್ರಹ್ಮರಾಕ್ಷಸಾಃ .. ೨೩..

ಜಾಪಿನಂ ನೋಪಸರ್ಪಂತಿ ಚೌರಕ್ಷುದ್ರಾಧಯಸ್ತಥಾ .
ಏಕಾಗ್ರಮನಸಾವ್ಯಗ್ರೋ ವಿಷ್ಣುಭಕ್ತೋ ದೃಢವ್ರತಃ .. ೨೪..

ಜಪೇನ್ನಾರಾಯಣಂ ಮಂತ್ರಮೇತನ್ಮೃತ್ಯುಭಯಾಪಹಂ .
ಮಂತ್ರಾಣಾಂ ಪರಮೋ ಮಂತ್ರೋ ದೇವತಾನಾಂ ಚ ದೈವತಂ .. ೨೫..

ಗುಹ್ಯಾನಾಂ ಪರಮಂ ಗುಹ್ಯಮೋಂಕಾರಾದ್ಯಕ್ಷರಾಷ್ಟಕಂ .
ಆಯುಷ್ಯಂ ಧನಪುತ್ರಾಂಶ್ಚ ಪಶೂನ್ ವಿದ್ಯಾಂ ಮಹದ್ಯಶಃ .. ೨೬..

ಧರ್ಮಾರ್ಥಕಾಮಮೋಕ್ಷಾಂಶ್ಚ ಲಭತೇ ಚ ಜಪನ್ನರಃ .
ಏತತ್ ಸತ್ಯಂ ಚ ಧರ್ಮ್ಯಂ ಚ ವೇದಶ್ರುತಿನಿದರ್ಶನಾತ್ .. ೨೭..

ಏತತ್ ಸಿದ್ಧಿಕರಂ ನೃಣಾಂ ಮಂತ್ರರೂಪಂ ನ ಸಂಶಯಃ .
ಋಷಯಃ ಪಿತರೋ ದೇವಾಃ ಸಿದ್ಧಾಸ್ತ್ವಸುರರಾಕ್ಷಸಾಃ .. ೨೮..

ಏತದೇವ ಪರಂ ಜಪ್ತ್ವಾ ಪರಾಂ ಸಿದ್ಧಿಮಿತೋ ಗತಾಃ .
ಜ್ಞಾತ್ವಾ ಯಸ್ತ್ವಾತ್ಮನಃ ಕಾಲಂ ಶಾಸ್ತ್ರಾಂತರವಿಧಾನತಃ .
ಅಂತಕಾಲೇ ಜಪನ್ನೇತಿ ತದ್ವಿಷ್ಣೋಃ ಪರಮಂ ಪದಂ .. ೨೯..

ನಾರಾಯಣಾಯ ನಮ ಇತ್ಯಯಮೇವ ಸತ್ಯಂ
ಸಂಸಾರಘೋರವಿಷಸಂಹರಣಾಯ ಮಂತ್ರಃ .
ಶೃಣ್ವಂತು ಭವ್ಯಮತಯೋ ಮುದಿತಾಸ್ತ್ವರಾಗಾ
ಉಚ್ಚೈಸ್ತರಾಮುಪದಿಶಾಮ್ಯಹಮೂರ್ಧ್ವಬಾಹುಃ .. ೩೦..

ಭೂತ್ವೋರ್ಧ್ವಬಾಹುರದ್ಯಾಹಂ ಸತ್ಯಪೂರ್ವಂ ಬ್ರವೀಮ್ಯಹಂ .
ಹೇ ಪುತ್ರ ಶಿಷ್ಯಾಃ ಶೃಣುತ ನ ಮಂತ್ರೋಽಷ್ಟಾಕ್ಷರಾತ್ಪರಃ .. ೩೧..

ಸತ್ಯಂ ಸತ್ಯಂ ಪುನಃ ಸತ್ಯಮುತ್ಕ್ಷಿಪ್ಯ ಭುಜಮುಚ್ಯತೇ .
ವೇದಾಚ್ಛಾಸ್ತ್ರಂ ಪರಂ ನಾಸ್ತಿ ನ ದೇವಃ ಕೇಶವಾತ್ ಪರಃ .. ೩೨..

ಆಲೋಚ್ಯ ಸರ್ವಶಾಸ್ತ್ರಾಣಿ ವಿಚಾರ್ಯ ಚ ಪುನಃ ಪುನಃ .
ಇದಮೇಕಂ ಸುನಿಷ್ಪನ್ನಂ ಧ್ಯೇಯೋ ನಾರಾಯಣಃ ಸದಾ .. ೩೩..

ಇತ್ಯೇತತ್ ಸಕಲಂ ಪ್ರೋಕ್ತಂ ಶಿಷ್ಯಾಣಾಂ ತವ ಪುಣ್ಯದಂ .
ಕಥಾಶ್ಚ ವಿವಿಧಾಃ ಪ್ರೋಕ್ತಾ ಮಯಾ ಭಜ ಜನಾರ್ದನಂ .. ೩೪..

ಅಷ್ಟಾಕ್ಷರಮಿಮಂ ಮಂತ್ರಂ ಸರ್ವದುಃಖವಿನಾಶನಂ .
ಜಪ ಪುತ್ರ ಮಹಾಬುದ್ಧೇ ಯದಿ ಸಿದ್ಧಿಮಭೀಪ್ಸಸಿ .. ೩೫..

ಇದಂ ಸ್ತವಂ ವ್ಯಾಸಮುಖಾತ್ತು ನಿಸ್ಸೃತಂ
ಸಂಧ್ಯಾತ್ರಯೇ ಯೇ ಪುರುಷಾಃ ಪಠಂತಿ .
ತೇ ಧೌತಪಾಂಡುರಪಟಾ ಇವ ರಾಜಹಂಸಾಃ
ಸಂಸಾರಸಾಗರಮಪೇತಭಯಾಸ್ತರಂತಿ .. ೩೬..

ಇತಿ ಶ್ರೀನರಸಿಂಹಪುರಾಣೇ ಅಷ್ಟಾಕ್ಷರಮಾಹಾತ್ಮ್ಯಂ ನಾಮ ಸಪ್ತದಶೋಽಧ್ಯಾಯಃ

ಶ್ರೀಶುಕ ಉವಾಚ --
ಕಿಂ ಜಪನ್ ಮುಚ್ಯತೇ ತಾತ ಸತತಂ ವಿಷ್ಣುತತ್ಪರಃ .
ಸಂಸಾರದುಃಖಾತ್ ಸರ್ವೇಷಾಂ ಹಿತಾಯ ವದ ಮೇ ಪಿತಃ .. ೧..

ವ್ಯಾಸ ಉವಾಚ --
ಅಷ್ಟಾಕ್ಷರಂ ಪ್ರವಕ್ಷ್ಯಾಮಿ ಮಂತ್ರಾಣಾಂ ಮಂತ್ರಮುತ್ತಮಂ .
ಯಂ ಜಪನ್ ಮುಚ್ಯತೇ ಮರ್ತ್ಯೋ ಜನ್ಮಸಂಸಾರಬಂಧನಾತ್ .. ೨..

ಹೃತ್ಪುಂಡರೀಕಮಧ್ಯಸ್ಥಂ ಶಂಖಚಕ್ರಗದಾಧರಂ .
ಏಕಾಗ್ರಮನಸಾ ಧ್ಯಾತ್ವಾ ವಿಷ್ಣುಂ ಕುರ್ಯಾಜ್ಜಪಂ ದ್ವಿಜಃ .. ೩..

ಏಕಾಂತೇ ನಿರ್ಜನಸ್ಥಾನೇ ವಿಷ್ಣವಗ್ರೇ ವಾ ಜಲಾಂತಿಕೇ .
ಜಪೇದಷ್ಟಾಕ್ಷರಂ ಮಂತ್ರಂ ಚಿತ್ತೇ ವಿಷ್ಣುಂ ನಿಧಾಯ ವೈ .. ೪..

ಅಷ್ಟಾಕ್ಷರಸ್ಯ ಮಂತ್ರಸ್ಯ ಋಷಿರ್ನಾರಾಯಣಃ ಸ್ವಯಂ .
ಛಂದಶ್ಚ ದೈವೀ ಗಾಯತ್ರೀ ಪರಮಾತ್ಮಾ ಚ ದೇವತಾ .. ೫..

ಶುಕ್ಲವರ್ಣಂ ಚ ಓಂಕಾರಂ ನಕಾರಂ ರಕ್ತಮುಚ್ಯತೇ .
ಮೋಕಾರಂ ವರ್ಣತಃ ಕೃಷ್ಣಂ ನಾಕಾರಂ ರಕ್ತಮುಚ್ಯತೇ .. ೬..

ರಾಕಾರಂ ಕುಂಕುಮಾಭಂ ತು ಯಕಾರಂ ಪೀತಮುಚ್ಯತೇ .
ಣಾಕಾರಮಂಜನಾಭಂ ತು ಯಕಾರಂ ಬಹುವರ್ಣಕಂ .. ೭..

ಓಂ ನಮೋ ನಾರಾಯಣಾಯೇತಿ ಮಂತ್ರಃ ಸರ್ವಾರ್ಥಸಾಧಕಃ .
ಭಕ್ತಾನಾಂ ಜಪತಾಂ ತಾತ ಸ್ವರ್ಗಮೋಕ್ಷಫಲಪ್ರದಃ .
ವೇದಾನಾಂ ಪ್ರಣವೇನೈಷ ಸಿದ್ಧೋ ಮಂತ್ರಃ ಸನಾತನಃ .. ೮..

ಸರ್ವಪಾಪಹರಃ ಶ್ರೀಮಾನ್ ಸರ್ವಮಂತ್ರೇಷು ಚೋತ್ತಮಃ .
ಏನಮಷ್ಟಾಕ್ಷರಂ ಮಂತ್ರಂ ಜಪನ್ನಾರಾಯಣಂ ಸ್ಮರೇತ್ .. ೯..

ಸಂಧ್ಯಾವಸಾನೇ ಸತತಂ ಸರ್ವಪಾಪೈಃ ಪ್ರಮುಚ್ಯತೇ .
ಏಷ ಏವ ಪರೋ ಮಂತ್ರ ಏಷ ಏವ ಪರಂ ತಪಃ .. ೧೦..

ಏಷ ಏವ ಪರೋ ಮೋಕ್ಷ ಏಷ ಸ್ವರ್ಗ ಉದಾಹೃತಃ .
ಸರ್ವವೇದರಹಸ್ಯೇಭ್ಯಃ ಸಾರ ಏಷ ಸಮುದ್ಧೄತಃ .. ೧೧..

ವಿಷ್ಣುನಾ ವೈಷ್ಣವಾನಾಂ ಹಿ ಹಿತಾಯ ಮನುಜಾಂ ಪುರಾ .
ಏವಂ ಜ್ಞಾತ್ವಾ ತತೋ ವಿಪ್ರೋ ಹ್ಯಷ್ಟಾಕ್ಷರಮಿಮಂ ಸ್ಮರೇತ್ .. ೧೨..

ಸ್ನಾತ್ವಾ ಶುಚಿಃ ಶುಚೌ ದೇಶೇ ಜಪೇತ್ ಪಾಪವಿಶುದ್ಧಯೇ .
ಜಪೇ ದಾನೇ ಚ ಹೋಮೇ ಚ ಗಮನೇ ಧ್ಯಾನಪರ್ವಸು .. ೧೩..

ಜಪೇನ್ನಾರಾಯಣಂ ಮಂತ್ರಂ ಕರ್ಮಪೂರ್ವೇ ಪರೇ ತಥಾ .
ಜಪೇತ್ಸಹಸ್ರಂ ನಿಯುತಂ ಶುಚಿರ್ಭೂತ್ವಾ ಸಮಾಹಿತಃ .. ೧೪..

ಮಾಸಿ ಮಾಸಿ ತು ದ್ವಾದಶ್ಯಾಂ ವಿಷ್ಣುಭಕ್ತೋ ದ್ವಿಜೋತ್ತಮಃ .
ಸ್ನಾತ್ವಾ ಶುಚಿರ್ಜಪೇದ್ಯಸ್ತು ನಮೋ ನಾರಾಯಣಂ ಶತಂ .. ೧೫..

ಸ ಗಚ್ಛೇತ್ ಪರಮಂ ದೇವಂ ನಾರಾಯಣಮನಾಮಯಂ .
ಗಂಧಪುಷ್ಪಾದಿಭಿರ್ವಿಷ್ಣುಮನೇನಾರಾಧ್ಯ ಯೋ ಜಪೇತ್ .. ೧೬..

ಮಹಾಪಾತಕಯುಕ್ತೋಽಪಿ ಮುಚ್ಯತೇ ನಾತ್ರ ಸಂಶಯಃ .
ಹೃದಿ ಕೃತ್ವಾ ಹರಿಂ ದೇವಂ ಮಂತ್ರಮೇನಂ ತು ಯೋ ಜಪೇತ್ .. ೧೭..

ಸರ್ವಪಾಪವಿಶುದ್ಧಾತ್ಮಾ ಸ ಗಚ್ಛೇತ್ ಪರಮಾಂ ಗತಿಂ .
ಪ್ರಥಮೇನ ತು ಲಕ್ಷೇಣ ಆತ್ಮಶುದ್ಧಿರ್ಭವಿಷ್ಯತಿ .. ೧೮..

ದ್ವಿತೀಯೇನ ತು ಲಕ್ಷೇಣ ಮನುಸಿದ್ಧಿಮವಾಪ್ನುಯಾತ್ .
ತೃತೀಯೇನ ತು ಲಕ್ಷೇಣ ಸ್ವರ್ಗಲೋಕಮವಾಪ್ನುಯಾತ್ .. ೧೯..

ಚತುರ್ಥೇನ ತು ಲಕ್ಷೇಣ ಹರೇಃ ಸಾಮೀಪ್ಯಮಾಪ್ನುಯಾತ್ .
ಪಂಚಮೇನ ತು ಲಕ್ಷೇಣ ನಿರ್ಮಲಂ ಜ್ಞಾನಮಾಪ್ನುಯಾತ್ .. ೨೦..

ತಥಾ ಷಷ್ಠೇನ ಲಕ್ಷೇಣ ಭವೇದ್ವಿಷ್ಣೌ ಸ್ಥಿರಾ ಮತಿಃ .
ಸಪ್ತಮೇನ ತು ಲಕ್ಷೇಣ ಸ್ವರೂಪಂ ಪ್ರತಿಪದ್ಯತೇ .. ೨೧..

ಅಷ್ಟಮೇನ ತು ಲಕ್ಷೇಣ ನಿರ್ವಾಣಮಧಿಗಚ್ಛತಿ .
ಸ್ವಸ್ವಧರ್ಮಸಮಾಯುಕ್ತೋ ಜಪಂ ಕುರ್ಯಾದ್ ದ್ವಿಜೋತ್ತಮಃ .. ೨೨..

ಏತತ್ ಸಿದ್ಧಿಕರಂ ಮಂತ್ರಮಷ್ಟಾಕ್ಷರಮತಂದ್ರಿತಃ .
ದುಃಸ್ವಪ್ನಾಸುರಪೈಶಾಚಾ ಉರಗಾ ಬ್ರಹ್ಮರಾಕ್ಷಸಾಃ .. ೨೩..

ಜಾಪಿನಂ ನೋಪಸರ್ಪಂತಿ ಚೌರಕ್ಷುದ್ರಾಧಯಸ್ತಥಾ .
ಏಕಾಗ್ರಮನಸಾವ್ಯಗ್ರೋ ವಿಷ್ಣುಭಕ್ತೋ ದೃಢವ್ರತಃ .. ೨೪..

ಜಪೇನ್ನಾರಾಯಣಂ ಮಂತ್ರಮೇತನ್ಮೃತ್ಯುಭಯಾಪಹಂ .
ಮಂತ್ರಾಣಾಂ ಪರಮೋ ಮಂತ್ರೋ ದೇವತಾನಾಂ ಚ ದೈವತಂ .. ೨೫..

ಗುಹ್ಯಾನಾಂ ಪರಮಂ ಗುಹ್ಯಮೋಂಕಾರಾದ್ಯಕ್ಷರಾಷ್ಟಕಂ .
ಆಯುಷ್ಯಂ ಧನಪುತ್ರಾಂಶ್ಚ ಪಶೂನ್ ವಿದ್ಯಾಂ ಮಹದ್ಯಶಃ .. ೨೬..

ಧರ್ಮಾರ್ಥಕಾಮಮೋಕ್ಷಾಂಶ್ಚ ಲಭತೇ ಚ ಜಪನ್ನರಃ .
ಏತತ್ ಸತ್ಯಂ ಚ ಧರ್ಮ್ಯಂ ಚ ವೇದಶ್ರುತಿನಿದರ್ಶನಾತ್ .. ೨೭..

ಏತತ್ ಸಿದ್ಧಿಕರಂ ನೃಣಾಂ ಮಂತ್ರರೂಪಂ ನ ಸಂಶಯಃ .
ಋಷಯಃ ಪಿತರೋ ದೇವಾಃ ಸಿದ್ಧಾಸ್ತ್ವಸುರರಾಕ್ಷಸಾಃ .. ೨೮..

ಏತದೇವ ಪರಂ ಜಪ್ತ್ವಾ ಪರಾಂ ಸಿದ್ಧಿಮಿತೋ ಗತಾಃ .
ಜ್ಞಾತ್ವಾ ಯಸ್ತ್ವಾತ್ಮನಃ ಕಾಲಂ ಶಾಸ್ತ್ರಾಂತರವಿಧಾನತಃ .
ಅಂತಕಾಲೇ ಜಪನ್ನೇತಿ ತದ್ವಿಷ್ಣೋಃ ಪರಮಂ ಪದಂ .. ೨೯..

ನಾರಾಯಣಾಯ ನಮ ಇತ್ಯಯಮೇವ ಸತ್ಯಂ
ಸಂಸಾರಘೋರವಿಷಸಂಹರಣಾಯ ಮಂತ್ರಃ .
ಶೃಣ್ವಂತು ಭವ್ಯಮತಯೋ ಮುದಿತಾಸ್ತ್ವರಾಗಾ
ಉಚ್ಚೈಸ್ತರಾಮುಪದಿಶಾಮ್ಯಹಮೂರ್ಧ್ವಬಾಹುಃ .. ೩೦..

ಭೂತ್ವೋರ್ಧ್ವಬಾಹುರದ್ಯಾಹಂ ಸತ್ಯಪೂರ್ವಂ ಬ್ರವೀಮ್ಯಹಂ .
ಹೇ ಪುತ್ರ ಶಿಷ್ಯಾಃ ಶೃಣುತ ನ ಮಂತ್ರೋಽಷ್ಟಾಕ್ಷರಾತ್ಪರಃ .. ೩೧..

ಸತ್ಯಂ ಸತ್ಯಂ ಪುನಃ ಸತ್ಯಮುತ್ಕ್ಷಿಪ್ಯ ಭುಜಮುಚ್ಯತೇ .
ವೇದಾಚ್ಛಾಸ್ತ್ರಂ ಪರಂ ನಾಸ್ತಿ ನ ದೇವಃ ಕೇಶವಾತ್ ಪರಃ .. ೩೨..

ಆಲೋಚ್ಯ ಸರ್ವಶಾಸ್ತ್ರಾಣಿ ವಿಚಾರ್ಯ ಚ ಪುನಃ ಪುನಃ .
ಇದಮೇಕಂ ಸುನಿಷ್ಪನ್ನಂ ಧ್ಯೇಯೋ ನಾರಾಯಣಃ ಸದಾ .. ೩೩..

ಇತ್ಯೇತತ್ ಸಕಲಂ ಪ್ರೋಕ್ತಂ ಶಿಷ್ಯಾಣಾಂ ತವ ಪುಣ್ಯದಂ .
ಕಥಾಶ್ಚ ವಿವಿಧಾಃ ಪ್ರೋಕ್ತಾ ಮಯಾ ಭಜ ಜನಾರ್ದನಂ .. ೩೪..

ಅಷ್ಟಾಕ್ಷರಮಿಮಂ ಮಂತ್ರಂ ಸರ್ವದುಃಖವಿನಾಶನಂ .
ಜಪ ಪುತ್ರ ಮಹಾಬುದ್ಧೇ ಯದಿ ಸಿದ್ಧಿಮಭೀಪ್ಸಸಿ .. ೩೫..

ಇದಂ ಸ್ತವಂ ವ್ಯಾಸಮುಖಾತ್ತು ನಿಸ್ಸೃತಂ
ಸಂಧ್ಯಾತ್ರಯೇ ಯೇ ಪುರುಷಾಃ ಪಠಂತಿ .
ತೇ ಧೌತಪಾಂಡುರಪಟಾ ಇವ ರಾಜಹಂಸಾಃ
ಸಂಸಾರಸಾಗರಮಪೇತಭಯಾಸ್ತರಂತಿ .. ೩೬..

ಇತಿ ಶ್ರೀನರಸಿಂಹಪುರಾಣೇ ಅಷ್ಟಾಕ್ಷರಮಾಹಾತ್ಮ್ಯಂ ನಾಮ ಸಪ್ತದಶೋಽಧ್ಯಾಯಃ

Please follow and like us: