OM namo narayanaya ashtaksharamahatmyam
SrISuka uvAca —
kiM japan mucyatE tAta satataM viShNutatparaH .
saMsAraduHKAt sarvEShAM hitAya vada mE pitaH .. 1..
vyAsa uvAca —
aShTAkSharaM pravakShyAmi maMtrANAM maMtramuttamaM .
yaM japan mucyatE martyO janmasaMsArabaMdhanAt .. 2..
hRutpuMDarIkamadhyasthaM SaMKacakragadAdharaM .
EkAgramanasA dhyAtvA viShNuM kuryAjjapaM dvijaH .. 3..
EkAMtE nirjanasthAnE viShNavagrE vA jalAMtikE .
japEdaShTAkSharaM maMtraM cittE viShNuM nidhAya vai .. 4..
aShTAkSharasya maMtrasya RuShirnArAyaNaH svayaM .
CaMdaSca daivI gAyatrI paramAtmA ca dEvatA .. 5..
SuklavarNaM ca OMkAraM nakAraM raktamucyatE .
mOkAraM varNataH kRuShNaM nAkAraM raktamucyatE .. 6..
rAkAraM kuMkumABaM tu yakAraM pItamucyatE .
NAkAramaMjanABaM tu yakAraM bahuvarNakaM .. 7..
OM namO nArAyaNAyEti maMtraH sarvArthasAdhakaH .
BaktAnAM japatAM tAta svargamOkShaPalapradaH .
vEdAnAM praNavEnaiSha siddhO maMtraH sanAtanaH .. 8..
sarvapApaharaH SrImAn sarvamaMtrEShu cOttamaH .
EnamaShTAkSharaM maMtraM japannArAyaNaM smarEt .. 9..
saMdhyAvasAnE satataM sarvapApaiH pramucyatE .
ESha Eva parO maMtra ESha Eva paraM tapaH .. 10..
ESha Eva parO mOkSha ESha svarga udAhRutaH .
sarvavEdarahasyEByaH sAra ESha samuddhRUtaH .. 11..
viShNunA vaiShNavAnAM hi hitAya manujAM purA .
EvaM j~jAtvA tatO viprO hyaShTAkSharamimaM smarEt .. 12..
snAtvA SuciH Sucau dESE japEt pApaviSuddhayE .
japE dAnE ca hOmE ca gamanE dhyAnaparvasu .. 13..
japEnnArAyaNaM maMtraM karmapUrvE parE tathA .
japEtsahasraM niyutaM SucirBUtvA samAhitaH .. 14..
mAsi mAsi tu dvAdaSyAM viShNuBaktO dvijOttamaH .
snAtvA SucirjapEdyastu namO nArAyaNaM SataM .. 15..
sa gacCEt paramaM dEvaM nArAyaNamanAmayaM .
gaMdhapuShpAdiBirviShNumanEnArAdhya yO japEt .. 16..
mahApAtakayuktO&pi mucyatE nAtra saMSayaH .
hRudi kRutvA hariM dEvaM maMtramEnaM tu yO japEt .. 17..
sarvapApaviSuddhAtmA sa gacCEt paramAM gatiM .
prathamEna tu lakShENa AtmaSuddhirBaviShyati .. 18..
dvitIyEna tu lakShENa manusiddhimavApnuyAt .
tRutIyEna tu lakShENa svargalOkamavApnuyAt .. 19..
caturthEna tu lakShENa harEH sAmIpyamApnuyAt .
paMcamEna tu lakShENa nirmalaM j~jAnamApnuyAt .. 20..
tathA ShaShThEna lakShENa BavEdviShNau sthirA matiH .
saptamEna tu lakShENa svarUpaM pratipadyatE .. 21..
aShTamEna tu lakShENa nirvANamadhigacCati .
svasvadharmasamAyuktO japaM kuryAd dvijOttamaH .. 22..
Etat siddhikaraM maMtramaShTAkSharamataMdritaH .
duHsvapnAsurapaiSAcA uragA brahmarAkShasAH .. 23..
jApinaM nOpasarpaMti caurakShudrAdhayastathA .
EkAgramanasAvyagrO viShNuBaktO dRuDhavrataH .. 24..
japEnnArAyaNaM maMtramEtanmRutyuBayApahaM .
maMtrANAM paramO maMtrO dEvatAnAM ca daivataM .. 25..
guhyAnAM paramaM guhyamOMkArAdyakSharAShTakaM .
AyuShyaM dhanaputrAMSca paSUn vidyAM mahadyaSaH .. 26..
dharmArthakAmamOkShAMSca laBatE ca japannaraH .
Etat satyaM ca dharmyaM ca vEdaSrutinidarSanAt .. 27..
Etat siddhikaraM nRuNAM maMtrarUpaM na saMSayaH .
RuShayaH pitarO dEvAH siddhAstvasurarAkShasAH .. 28..
EtadEva paraM japtvA parAM siddhimitO gatAH .
j~jAtvA yastvAtmanaH kAlaM SAstrAMtaravidhAnataH .
aMtakAlE japannEti tadviShNOH paramaM padaM .. 29..
nArAyaNAya nama ityayamEva satyaM
saMsAraGOraviShasaMharaNAya maMtraH .
SRuNvaMtu BavyamatayO muditAstvarAgA
uccaistarAmupadiSAmyahamUrdhvabAhuH .. 30..
BUtvOrdhvabAhuradyAhaM satyapUrvaM bravImyahaM .
hE putra SiShyAH SRuNuta na maMtrO&ShTAkSharAtparaH .. 31..
satyaM satyaM punaH satyamutkShipya BujamucyatE .
vEdAcCAstraM paraM nAsti na dEvaH kESavAt paraH .. 32..
AlOcya sarvaSAstrANi vicArya ca punaH punaH .
idamEkaM suniShpannaM dhyEyO nArAyaNaH sadA .. 33..
ityEtat sakalaM prOktaM SiShyANAM tava puNyadaM .
kathASca vividhAH prOktA mayA Baja janArdanaM .. 34..
aShTAkSharamimaM maMtraM sarvaduHKavinASanaM .
japa putra mahAbuddhE yadi siddhimaBIpsasi .. 35..
idaM stavaM vyAsamuKAttu nissRutaM
saMdhyAtrayE yE puruShAH paThaMti .
tE dhautapAMDurapaTA iva rAjahaMsAH
saMsArasAgaramapEtaBayAstaraMti .. 36..
iti SrInarasiMhapurANE aShTAkSharamAhAtmyaM nAma saptadaSO&dhyAyaH .. 17..
