|| ஶ்ரீ கணேஶ கவசம் ||
கௌர்யுவாச –
ஏஷோதிசபலோ தைத்யாந்பால்யேபி நாஶயத்யஹோ |
அக்ரே கிம் கர்ம கர்தேதி ந ஜாநே முநிஸத்தம || ௧ ||
தைத்யா நாநாவிதா துஷ்டாஸ்ஸாதுதேவத்ருஹஃ கலாஃ |
அதோஸ்ய கண்டே கிம்சித்த்வம் ரக்ஷார்தம் பத்துமர்ஹஸி || ௨ ||
முநிருவாச –
த்யாயேத்ஸிம்ஹஹதம் விநாயகமமும் திக்பாஹுமாத்யே யுகே
த்ரேதாயாம் து மயூரவாஹநமமும் ஷட்பாஹுகம் ஸித்திதம் |
த்வாபாரே து கஜாநநம் யுகபுஜம் ரக்தாங்கராகம் விபும்
துர்யே து த்விபுஜம் ஸிதாங்கருசிரம் ஸர்வார்ததம் ஸர்வதா || ௩ ||
விநாயகஶ்ஶிகாம் பாது பரமாத்மா பராத்பரஃ |
அதிஸுந்தரகாயஸ்து மஸ்தகம் ஸுமஹோத்கடஃ || ௪ ||
லலாடம் கஶ்யபஃ பாது ப்ரூயுகம் து மஹோதரஃ |
நயநே பாலசந்த்ரஸ்து கஜாஸ்யஸ்த்வோஷ்டபல்லவௌ || ௫ ||
ஜிஹ்வாம் பாது கஜக்ரீடஶ்சுபுகம் கிரிஜாஸுதஃ |
வாசம் விநாயகஃ பாது தந்தாந் ரக்ஷது துர்முகஃ || ௬ ||
ஶ்ரவணௌ பாஶபாணிஸ்து நாஸிகாம் சிந்திதார்ததஃ |
கணேஶஸ்து முகம் கண்டம் பாது தேவோ கணஞ்ஜயஃ || ௭ ||
ஸ்கந்தௌ பாது கஜஸ்கந்தஃ ஸ்தநௌ விக்நவிநாஶநஃ |
ஹ்ருதயம் கணநாதஸ்து ஹேரம்போ ஜடரம் மஹாந் || ௮ ||
தராதரஃ பாது பார்ஶ்வௌ ப்ருஷ்டம் விக்நஹரஶ்ஶுபஃ |
லிங்கம் குஹ்யம் ஸதா பாது வக்ரதுண்டோ மஹாபலஃ || ௯ ||
கணக்ரீடோ ஜாநுஜங்கே ஊரு மங்கலமூர்திமாந் |
ஏகதந்தோ மஹாபுத்திஃ பாதௌ குல்பௌ ஸதாவது || ௧0 ||
க்ஷிப்ரப்ரஸாதநோ பாஹூ பாணீ ஆஶாப்ரபூரகஃ |
அங்குலீஶ்ச நகாந்பாது பத்மஹஸ்தோரிநாஶநஃ || ௧௧ ||
ஸர்வாங்காநி மயூரேஶோ விஶ்வவ்யாபீ ஸதாவது |
அநுக்தமபி யத்ஸ்தாநம் தூமகேதுஸ்ஸதாவது || ௧௨ ||
ஆமோதஸ்த்வக்ரதஃ பாது ப்ரமோதஃ ப்ருஷ்டதோவது |
ப்ராச்யாம் ரக்ஷது புத்தீஶ ஆக்நேய்யாம் ஸித்திதாயகஃ || ௧௩ ||
தக்ஷிணஸ்யாமுமாபுத்ரோ நைர்ருத்யாம் து கணேஶ்வரஃ |
ப்ரதீச்யாம் விக்நஹர்தாவ்யாத்வாயவ்யாம் கஜகர்ணகஃ || ௧௪ ||
கௌபேர்யாம் நிதிபஃ பாயாதீஶாந்யாமீஶநந்தநஃ |
திவாவ்யாதேகதந்தஸ்து ராத்ரௌ ஸந்த்யாஸு விக்நஹ்ருத் || ௧௫ ||
ராக்ஷஸாஸுரபேதாளக்ரஹபூதபிஶாசதஃ |
பாஶாங்குஶதரஃ பாது ரஜஸ்ஸத்த்வதமஸ்ஸ்ம்ருதீஃ || ௧௬ ||
ஜ்ஞாநம் தர்மம் ச லக்ஷ்மீம் ச லஜ்ஜாம் கீர்திம் ததா குலம் |
வபுர்தநம் ச தாந்யம் ச க்ருஹம் தாராந்ஸுதாந்ஸகீந் || ௧௭ ||
ஸர்வாயுததரஃ பௌத்ராந் மயூரேஶோவதாத்ஸதா |
கபிலோஜாவிகம் பாது கஜாஶ்வாந்விகடோவது || ௧௮ ||
பூர்ஜபத்ரே லிகித்வேதம் யஃ கண்டே தாரயேத்ஸுதீஃ |
ந பயம் ஜாயதே தஸ்ய யக்ஷரக்ஷஃ பிஶாசதஃ || ௧௮ ||
த்ரிஸந்த்யம் ஜபதே யஸ்து வஜ்ரஸாரதநுர்பவேத் |
யாத்ராகாலே படேத்யஸ்து நிர்விக்நேந பலம் லபேத் || ௨0 ||
யுத்தகாலே படேத்யஸ்து விஜயம் சாப்நுயாத்த்ருவம் |
மாரணோச்சாடநாகர்ஷஸ்தம்பமோஹநகர்மணி || ௨௧ ||
ஸப்தவாரம் ஜபேதேதத்திநாநாமேகவிம்ஶதிஃ |
தத்தத்பலமவாப்நோதி ஸாதகோ நாத்ரஸம்ஶயஃ || ௨௨ ||
ஏகவிம்ஶதிவாரம் ச படேத்தாவத்திநாநி யஃ |
காராக்ருஹகதம் ஸத்யோராஜ்ஞா வத்யம் ச மோசயேத் || ௨௩ ||
ராஜதர்ஶநவேலாயாம் படேதேதத்த்ரிவாரதஃ |
ஸ ராஜாநம் வஶம் நீத்வா ப்ரக்ருதீஶ்ச ஸபாம் ஜயேத் || ௨௪ ||
இதம் கணேஶகவசம் கஶ்யபேந ஸமீரிதம் |
முத்கலாய ச தே நாத மாண்டவ்யாய மஹர்ஷயே || ௨௫ ||
மஹ்யம் ஸ ப்ராஹ க்ருபயா கவசம் ஸர்வஸித்திதம் |
ந தேயம் பக்திஹீநாய தேயம் ஶ்ரத்தாவதே ஶுபம் || ௨௬ ||
அநேநாஸ்ய க்ருதா ரக்ஷா ந பாதாஸ்ய பவேத்க்வசித் |
ராக்ஷஸாஸுரபேதாலதைத்யதாநவஸம்பவா || ௨௭ ||
இதி ஶ்ரீகணேஶபுராணே உத்தரகண்டே பாலக்ரீடாயாம் ஷடஶீதிதமேத்யாயே கணேஶகவசம்
